Bu safargi ilmiy yigilishimizda mamlakatimizdagi Tovar belgisining huquqiy muhofazasi masalalarini muhokama qildik.
Avvalambor, Tovar belgisi va xizmat ko`rsatish belgisi ( rus: товарный знак, eng: trademark) – bu bir yuridik va jismoniy shaxslar tovarlari va xizmatlarini boshqa yuridik va jismoniy shaxslarning shu turdagi tovarlaridan farqlash uchun xizmat qiladigan, belgilangan tartibda ro`yxatdan o`tkazilgan belgilardir. (O`zb.R. “Tovar belgilari, xizmat ko`rsatish belgilari va tovar kelib chiqqan joy nomlari to`g`risida”gi qonuni, 3-modda 1-qism. 2001-yil 30-avgust)
Prezentatsiya davomida ma`lum bo`ldiki, bu sohadagi nazariyot O`zbekistonda deyarli umuman rivojlanmagan desa ham bo`ladi. Aynan tovar belgisiga oid nazariy tahlillar bitilgan adabiyot yoki maqolani hozirgacha uchratilmagan. (2007-yilda “Adolat” nashriyotida chop etilgan M.Abdusalomov muallifligidagi “Fuqarolik huquqi” darsligida tovar belgisiga bag`ishlangan bobda qonun normalari shundayligicha ko`chirib qo`yilgan va ora-yarim umumiy gaplar kiritish bilangina cheklanilgan)
2001-yil, ya`ni O`zb.R.ning “Tovar belgilari, xizmat ko`rsatish belgilari va tovar kelib chiqqan joy nomlari to`g`risida”gi qonuni (bundan keyin “Tovar belgisi to`g`risida”gi qonun deb beriladi) qabul qilingan paytda, 38 moddadan iborat bo`lgan qonunning bironta moddasida ham “hammaga ma`lum tovar belgisi” ga oid bo`lgan norma mustahkamlanmaganedi.Shundan keyin, 2007-yil 19-sentabrdagi “Tovar belgilari, xizmat ko`rsatish belgilari vatovar kelib chiqqan joy nomlari to`g`risi”dagi O`zb.R. qonuniga o`zgartish va qo`shimchalar kiritish haqida”gi qonuniga muvofiq, hammaga ma`lum tovar belgisiga oid bo`lgan 3 ta qo`shimcha kiritildi.
Przentatsiya davomida quyidagi masalalar huquqiy muammo sifatida ko`tarildi:
- Hammaga ma`lum tovar belgisi va “oddiy” ro`yxatdan o`tkazilgan tovar belgisi o`rtasidagi o`zaro muvozanat;
- Tovar belgisini ro`yxatdan o`tkazish uchun berilgan talabnomani ekspertiza qilishdagikamchiliklar;
- Hammaga ma`lum tovar belgisiga berilgan huquqiy muhofaza bilan bog`liq noaniqlik;
- Qonun moddasini qo`llashdagi noaniqlik;
- Hammaga ma`lum tovar belgisiga berilgan huquqning amal qilish muddati bilan bog`liq kamchilik va hokazo.
Munozara paytida esa quyidagicha savollar o`rtaga tashlandi:
- Ingliz tilida `trademark` deb nomlanadigan terminning tilimizda `hammaga malum Tovar belgisi` deya juda ham uzun tarjima qilinishi va biroz noaniqliklar tug`dirishiga qanday qaraysiz? Undan ko`ra, `tanilgan belgi` yoki `taniqli Tovar belgisi` deya tarjima qilish muvofiqroq emasmi?
- Appelyatsiya kengashi haqida nima deysiz? Bunday kvazi-judicial organning ishlashi to`g`rimi? Yaponiya yaqinda Antimonopoliya Qo`mitasining shunday funksiyasiga chek qo`ydi, bunga fikringiz?
- Yurtimida bir Tovar belgisini ro`yhatdan o`tkazishga qancha mablag` sarf qilinadi?
- Nega biznig yurtimizda Amerika yoki Kanada kabi Tovar belgisiga hujjat topshirilayotganda uning haqiqatan ham ishlatilayotganligi haqida deklaratsiya talab qilinmaydi?
- Patent mutaxassisi kim?
- O`zbekistonda patent huquqi sohasidagi yurustlar uchun ish bozorining holati qanday?
- Agar murojaat qilinayotgan mahsulot uzbekiston hududida uncha bilinmagan bolsachi?
- Ikki Tovar belgisining oxshashlik masalasi qanday hal etiladi? Qonunchilikda etarli ravishda standardlar ishlab chiqilganmi? Bu bo`yicha sud presedentlari mavjudmi?
- O`xshash masala bolgan, internet domeini ni ham korasizmi?
- Shu paytgacha chiqarilgan sud qarorlarini tahlil qilsak, royhatdan otish prinsipi bilan oldindan ishlatish prinsipi ortasida uygunlik va yaqinlashish yuz bergani yuqmi?
- CFC ishi: nega Patent Idorasi CFCga Tovar nomini berayotganida dunyodagi amaliyotga va haqiqatga qaramayapti?
- Hammaga ma`lum Tovar belgilarini ro`yhatdan o`tkazish, ularni huquqiy himoyasi bo`yicha bizda etarlicha huquqiy normalar ishlab chiqilganmi?
- Hammaga malum Tovar belgilarini tekshirish bo`yicha ekspertiza otkazishda qanday muammolar mavjud?
- Nima uchun rivojlanayotgan davlatlar hammaga malum Tovar belgilarini biroz ozgartirgan holda oz ichki fuqarolariga ruxsatdan otkazmoqda?
- Huquq sohasida nima oldinda yuradi: nazariyami yoki amaliyotmi?
Qo`shimcha adabiyotlar
1. uz045ru
2. istoriya_
3. uz-2
4. VIPO_TZ
5. Bul 8_2011